Posted on

Tornat ?

E ben òc, es dins lo titol : soi aqui. Soi tornat, pas exactament al mesma endret, pas exactament dins lo mesma ostal. Cal dire que m’an fotut defòra de mon ancian blog. Quò se fa, francament ? I a pas de trèva, ivèrnala o pas, per las expulsions numericas ?

Bah segurament avian plan vist que demoravi pas mai per aqui…

2009-2012.

Tres ans.

Macarèl.

Lo temps de milanta vitas e milanta mòrts, en temps internetic. Mas soi pas mòrt, çaquela, enfin cresi pas… vertat que se ditz que de trèvas se passejan sul fialat. Se ditz que los que son mòrts sens aver clavat lor compte Facebook demòran dins los cables eternets, per l’eternitat (es per aquò, l’omonimia).

A ieu, fin finala, èstre mòrt me cambiarà pas la vita, nimai lo principi de mon blog.

Totjorn de paraulas, que lo vent me pana, que lo temps me tòrna e qu’espingli a la paret numeric. Aquò val plan una psicoterapia, non ?

Ah, e pareis qu’aquel blog es un pauc rufe, los tèxtes un pauc long. Per vos far engolir mas paraulas, botarai donc d’imatges. Sabi cossi foncciona aquela bèstia ! Bon, après me dirètz benlèu que i aurà pas forçadament  totjorn un rapòrt amb lo contengut, mas aqui carcanhatz, francament.

Per inaugurar aquèla decision novèla, vos laissi sus una fòto d’ustras, en tota logica :

Ustrias

Ustras

Pons

Advertisements

Daissar una responsa

Fill in your details below or click an icon to log in:

WordPress.com Logo

You are commenting using your WordPress.com account. Log Out / Cambiar )

Twitter picture

You are commenting using your Twitter account. Log Out / Cambiar )

Facebook photo

You are commenting using your Facebook account. Log Out / Cambiar )

Google+ photo

You are commenting using your Google+ account. Log Out / Cambiar )

Connecting to %s